D‘2A huet den 3. Mäerz un engem filmanalyteschen Atelier am Casino deelgeholl. Si konnten hei hir filmanalytesch Kenntnisser verdéiwen an zwee Kuerzfilmer zesumme mam Filmexpert Boyd van Hoeij analyséieren.  De Schwéierpunkt louch hei op der Billersprooch, a wéi mat Biller kommunizéiert gëtt. Dëst gouf besonnesch däitlech un engem iwwert 120 Joer ale Stommfilm iwwert d’Aschenputtel, de vu senger renger Erzielweis  just mat Biller besonnesch am Kontrast zu de ville konsuméierte kuerze Videoen op soziale Medien steet.

Nodeems sech an all Gebai 2 Équipen placéiert hunn fir hir Schoul um Kicker Tournoi ze vertrieden war et virun der Fuesvakanz souwäit fir d ‘Final ze spillen. 8 Équipen waren fir hir Schoulen am Asaz. Vun 7ème bis 1ère war alles vertrueden an jiddereen huet sech sou séier et goung un d ‘Kickeren gestallt fir sech waarm ze spillen. Et goufe spannend Matcher an ganz knapp Resultater. Zum Schluss hunn sech déi zwou Équipen aus dem LRSL an den LGL den Podium gedeelt. Félicitatioun un den Fränz an den Hugo. Si hunn den Turnoi gewonnen. Fotogalerie

D‘1A huet de 6. Mäerz un engem Marketingseminar am Lycée Classique d’Echternach deelgeholl. De Christian Thill vu Bergamont Bikes Germany huet am Spigelsall vun der Abtei de Schüler vun der 1A vum LRSL zesumme mat den aneren Terminale vum Lycée des Arts et Métiers, Lycée Guillaume Kroll a Lycée Classique d’Echternach en Abléck an de Marketing vun der Vëlosfirma ginn. D’Schüler konnten sech de Konzept vun der Mark ukucken an hire Marketing analyséieren.

De Luxfilmfestival huet den 2. Mäerz fir d’Schüler vun der 1A an 3A ugefaangen. D’Schülerinnen Nathalie Ganko Goncalves a Béatriz Loureiro Pereira hunn den Encadrement vum Film „Kind Hearts“ iwwerholl. Si hunn mat den zwee Realisateuren d’Diskussioun iwwert hire Film geleet, un der awer och d‘3A deelgeholl huet. De Dokumentarfilm iwwert eng jonk Léift huet zu interessanten Debate gefouert.