Vum 5. bis den 10. Januar ware 64 Schüler fir e Schistage zu Eben im Pongau am Jugendgästehaus Lindenhof. No gutt 9 Stonne Bus si mir am Lindenhof ukomm. D’Kummere ware séier verdeelt an et ass schonn direkt seriö gi beim Schi a Schisschong verdeelen. Owes kruten eis Schüler dunn och nach den Oflaf vum Chef Schi Proff dem Mark erkläert.  Den Dag drop ass et dunn endlech richteg lass gaangen, d’Schüler goufen a Gruppen opgedeelt an hunn direkt de Monte Popolo, d’Schigebitt zu Eben im Pongau onsécher gemaach. Mat 6 km Pist ass et effektiv en immens kléngt Schigebitt, mee ideal fir sech déi éischt Deeg anzefueren, an dat bei quasi top Konditiounen, ausser deenen -15 Grad, mee och déi hunn eis net opgehal. Den drëtten Dag war et dunn sou wäit, eis Experte konnten op Flachau, en anert Schigebitt wat a 15 Minutte mam Bus ze erreechen ass. Dëst Schigebitt huet mat 210km Stréck e bëssen eng aner Dimensioun. De véierten, a leider och leschten Dag op der Schipist sinn du souguer d’Ufänger op Flachau gaangen. Och si hunn sech net misse schummen a si souguer déi méi steil Talabfahrt richteg gutt gefuer. Mir sinn awer net nëmme Schi gefuer. Déi Schüler déi dono nach fit ware konnten sech an enger flotter Sportshal nach bëssen auspoweren a natierlech hate mir och Spillowender, Dëschtennismatcher an e Quizowend. Dee leschten Owend hate mir dunn Disco, hei huet et net alt ze laang gedauert bis jiddereen mat gedanzt a gesongen huet. Et war eng immens flott Woch mat deelweis wéineg Schlof mee dofir awer mat immens flotten Erënnerungen. Merci un all d’Begleetpersounen an d’Organisateuren! Fotogalerie

Op enger ergräifender Konferenz virun den Schüler*innen vun 3CA an 2CA huet den Här Marc CUKIER am Kader vum Holocaust-Gedenkdag ( 27. Januar) d’Schicksal vu senger Famill virun,am an nom Krich duergestallt. Gebuer 1947, goufen him als « témoin de la 2e génération » vill vu sengen Léifsten an dëser schwéierer Zäit ewech geholl. Ganz besonnesch den trageschen Liewenslaf vun der Hallefschwëster Gitla (1924-1944 Auschwitz), Schülerin aus eisem Lycée (1937-1940), ass dem Auditoire nogaangen. Verzeien ass wichteg, vergiessen awer dierfen mir nie. Dofir sinn esou Manifestatiounen vu grousser Bedeitung. 

Wéi all Joer hunn och dëst Joer erëm Schüler vun eisen 2e BC Klassen um Projet « Engineering Trainee Days » deelgeholl. Dësen Projet an Zesummenaarbecht mat de « Jonk Entrepreneuren Luxembourg » an dem Ordre des Architectes et des Ingénieurs-Conseils (OAI) erlaabt de Schüler déi um Ingénieursberuff interesséiert sinn, 2 Deeg e  Ingenieur oder Scientifique bei senger Aarbecht ze begleeden a soumat en Abléck an des Beruffer ze kréien. Bravo un Sarah Breger, Emma Mathias an Emmanuelle Raskin fir hiert Engagement bei dësem Projet an e grousse Merci un déi Entreprisen déi de Schüler Méiglechkeet ginn esou Kontakt mat der Aarbechtswelt ze kréien. 

Le tournoi d’échecs annuel du LGL a eu lieu cette année le 15 janvier en présence de 116 joueurs venus de différents lycées du Luxembourg. 30  élèves du LRSL ont participé et deux d’entre eux se sont classée mémorablement : Noé  Bamberg  en 5C1 pour la 1ère place dans la catégorie non licenciée. Adriano Tavarès en 7C5 pour la 3ème place dans la catégorie U15 non licenciée. Bravo à l’ensemble de nos participants puisque pour la plupart il s’agissait de leur premier tournoi. Tous s’entrainent déjà pour le prochain tournoi, soit en étant inscris à l’option échecs en classe troisième au LRSL, soit en participant à l’option « échecs pour tous au LRSL ». Galerie photos