LRSL Schülerzeitung "Fënnef vir Zwou" am Tageblatt
Description
Den 3. Mee koum beim Tageblatt eng Sondereditioun eraus, déi just vu Schüler geschriwwe ginn ass. Och de "Fënnef vir Zwou" vum LRSL huet hei deelgeholl, a mam Gianni DiPaoli souguer de Chefredakter vun dëser Editioun gestallt. D'Schülerzeitung vum LRSL huet sech am Tageblatt mam Thema Presse- a Meenungsfräiheet, an der politescher Entwécklung an Europa beschäftegt. Donneschdes den 3. Mee waren d'Schüler dunn beim Tageblatt invitéiert a krute fir hire Bäitrag Merci gesot.