Walfer Bicherdeeg 2017

De „Fënnef vir Zwou“ op de Walfer Bicherdeeg

Description


Schonn déi 4. Kéier waren d’Schüler vun der LRSL Schülerzeitung op de Walfer Bicherdeeg fir een Infoblat fir d’Besicher ze maachen. Dëst Joer huet d’Team souguer net just ee sou een Infoblat verfaasst, mee esouguer zwee. Eent fir Samschdes an eent fir Sonndes.

Ënnert der Leedung vum Här Wildanger war een Team vun eelef Schüler aus dem LRSL den 18. an de 19. November op de Bicherdeeg ënnerwee. D’Schüler hunn Auteuren, Prominenz, Politiker an och Aussteller interviewt, sech Gedanken iwwert de Motto „Kreativitéit“ gemaach, an d’Veranstaltunge besicht.

D’Schüler kruten an hirer Paus eng gutt Mëtsch vun der „Patisserie Winandy“ vun der Kalchesbréck gesponsert. Nieft der Aarbecht, an natierlech och dem Stress huet d’Aarbecht op de Bicherdeeg dem Team awer och dëst Joer erëm vill Spaass gemaach.

D’Schüler hunn net just d’Artikele geschriwwen, mee och de Layout vum Blat iwwerholl. Si hu missen hir Artikelen ewéi richteg Journalisten direkt schreiwen fir d’Deadline anzehalen. Esou sinn d’Bicherdeeg all Joer eng flott Erfarung fir eis Schüler fir ze gesinn, ewéi am Dagesjournalismus geschafft gëtt.

 WalferBicherdeeg 2017  (694.54 Ko)

 Retour aux articles