Back to the roots 2017

Description


Den 31. Mäerz huet de Lycée Robert-Schuman séi rouden Teppech erëm ausgeluecht fir seng fréier Primaner bei sech ze empfänken. Vun den Universitéiten vun Aberdeen, Bayreuth, Bochum, Bréissel, London, Oochen, Utrecht a Lëtzebuerg koumen si fir hier Studien deenen aktuelle Schüler vun 1re an 2e hir Uni ze presentéieren, an si iwwert Opnambedingungen, Virbereedungen vu Coursen an Examen, Käschten, Transport an Wunnméiglechkeeten souwéi d’Liewen um Campus ze informéieren.

D’Organisatioun vum Owend louch an den Hänn vun der 1re Optioun Musek déi fir déi richteg Ambiance an de musikaleschen Encadrement gesuecht huet. Bei engem klénge Maufel konnten déi Jugendlech sech iwwert eventuell Problemer an Experienzen beim Studium a Beruff austauschen a mat enger Erënnerungsfoto vu Schüler a Professeren den Owend fir ëmmer festhalen.

 Retour aux articles